Posts

Showing posts with the label Devaru

Deva bandanu Odeya bandanu

ದೇವ ಬಂದನು ಒಡೆಯ ಬಂದನು ಕಾವ ಗೋಗಳ ಬಂದನು | ಕಾವ ಗೋಗಳ ಕಾಮಿತಾರ್ಥವ ನೀವ ಭಕುತಗೆ ಬಂದನು || ೧ ಮುದ್ದು ಮುಂಗುರುಲಾಸ್ಯದ ಚೆಲುವ ಒದ್ದು ಬಂಡಿಯ ಲೇಲೆಲಿ | ಒದ್ದು ಬಂಡಿಯ ಲೇಲೆಲಿ ರಂಗದಿ ಗೆದ್ದು ಮಾವನ ಮೋಹನ || ೨ ನೀಲ ಬಣ್ಣದ ಮಯ್ಯವ ಬಂದನು ನೀಲ ವಸನನ ಸಹಜನು | ನೀಲ ವಸ್ತ್ರನ ತಮ್ಮನು ಅಂಬುಜ ಮಾಲನು ಆಡುತ ಬಂದನು || ೩ ಸತಿಗೆ ಪುಷ್ಪದ ಭೂರುಹವಿತ್ತವ ಪತಿತ ಪಾವನ ಬಂದನು | ಪತಿತ ಪಾವನ ದಾಸರು ಪಾಡುವ ತುತಿಗೆ ಹಿಗ್ಗುವ ಬಂದನು || ೪ ನಾಥ ರಕ್ಷಿಸು ಎನ್ನುತಲಾ ಮಹ ಗಾತ್ರನು ಸೂನವನರ್ಪಿಸಲು | ವಾತನಯ್ಯನು ಬಂದನು ಮಧ್ವ ನಾಥನು ಪಕ್ಷಿಯ ವಾಹನ || ೫

Vysarendare Vedavysa

ವ್ಯಾಸರೆಂದರೆ ವೇದವ್ಯಾಸ ದೇವರ ದೇವ | ಪ  ಘಾಸಿ ಮಾಡದೆ ಇವನ ಭಜಿಸೆಲೊ ಮನುಜ | ಅ.ಪ. ವರಜಟಾ ಮಂಡಲ ಮುನಿಗಳ ಪುಂಗವ ಪರಿಪರಿ ಶೃತಿಗಳ ಕಡೆದವನಂದದಿ | ಪುರಹರನಂಶನ ಜನಕನು ಸೂರಿಯು ಹರಿನಿಲದ ನೀಲ ಮಯ್ಯವಗುಣಿಯು || ೧ ತುಂಬುರು ನಾರದ ದಿವಿಜರ ಪ್ರೀತನು ಬೆಂಬಿಡದೆ ಕಾಮಿತ ವರಗಳ ನೀವನು| ಜಂಬುನದಾಂಬರ ಮಣಿಗಳ ಮಾಲನು ಅಂಬುಜನಯನನು ಇಂದಿರೆ ರಮಣನು || ೨ ಪರಶರ ಋಷಿಗಳ ನಂದನ ನಂದನು ಸುರರನು ಭೋದಿಪ ಮುರಹರರೂಪನು| ಗುರುವರ ಜಗಕೆಲ್ಲ ಸೂತ್ರದ ಕರುತು ಗುರುಮಧ್ವರಾಯರ ಇಷ್ಟದ ದೈವತ || ೩ ವ್ರತ ಯಜ್ಞ ತಪಸಿಗೆ ನಿಲುಕದ ಮಾಣಿಕ ಪತಿತಭಕುತರನು ಸೆಳೆಯುವ ಮುಕುತಿಗೆ| ಹತಮಾಡುವನೀತ ಅಸುರರ ಸಮರದಿ ರತಿಪತಿಜನಕನು ಮೊಸಳೆಯ ಪಾಲನು || ೪ ಭವವೆಂಬ ಕಡಲನು ತರಿಸುವ ನೌಕನು ಕವಿಗಳ ಹೃದಯಕೆ ಮನೋಹರಮೂರುತಿ | ಗವಿಯೊಳಗಿರುವನು ಒಂದೇಳಲಾಡುವನು  ಜವಪಿತ ಗುರುಮಧ್ವ ನಾಥನ ಪೆಸರವ || ೫ 

Jayatu Matsyane Jayatu Koormane

ಜಯತು ಮತ್ಸ್ಯನೆ ಜಯತು ಕೂರ್ಮನೆ ಜಯತು ಕ್ರೋಡನೆ ಜಯತು ನರಹರಿ  ಜಯತು ವಾಮನ ಜಯತು ಭಾರ್ಗವ ಜಯತು ರಾಘವನೇ | ಜಯತು ಕೃಷ್ಣನೆ ಜಯತು  ಬುದ್ಧನೆ ಜಯತು ಕಲ್ಕಿಯೆ ಜಯತು ದೇವನೆ ಜಯತು ರುಕ್ಮಿಣಿಪತಿಯೆ ನಿನ್ನಯ ಪದಕ್ಕೆ ಬಾಗುವೆನು ||  ಮತಿಗೆ ಸಲ್ಲದ ಮಹಿಮನಯ್ಯನೆ ಮತಿಗೆ ತೋರುವ ಮಹಿಮೆ ಪೇಳುವೆ ಸತಿಯ ಜತೆಯಲಿ ಪ್ರೇಮದಿಂದಲಿ ಕಲಹ ಮಾಡಿದನು | ಮತಿಯ ಪಾಲಿಸಿ ಸಲಹು ಎನ್ನನು ರತಿಯ ಕಾಂತನ ಜನಕ ವಿಷ್ಣುವೇ ಸತತ ದುರ್ಜನಹಾರಿ ಲಕುಮೀಕಾಂತ ಎನ್ನೊಡೆಯ || ಅಹಿಪಶಾಯಿಯ ಕಮ್ಮಜನಕನ ಮಹಿಷಿಯಿಪ್ಪರು ವಂದ್ಯ ಪದೆಯರು ಮಹಿತಮಹಿಮನ ಪ್ರೇಮ ವಿಷಯಯರು ದ್ವ್ಯಧಿಕಷಡ್ಜನರು | ಮಹಿಯೊಳಿಪ್ಪರೆ ಎಲ್ಲ ಕೇಳಿರಿ ತುಹಿನ ಕಿರಣನ ವಂಶ ರನ್ನಗೆ ಅಹಿಯ ಮರ್ಧನಗಧಿಕಪ್ರೀಯರು ಸತ್ಯೆಭೈಷ್ಮಿಯರು || ಏಸು ಮಹಿಮಳು ರುಗ್ಗ್ಮಿಯನುಜೆಯು ದಾಸಿ ಪಿಡಿದ ಸುರನ್ನದಂಡದ  ಬೀಸೊ ಪತ್ರವ ತಾನೇ ಪಿಡಿಯುತ ಸೇವೆ ಗಯ್ಯುತಿರೆ | ದಾಸರೊಡೆಯನು ಗೋಪಿನಂದನ ದಾಸಿಭೈಷ್ಮಿಯ ಮೊಗವ ನೋಡುತ ಹಾಸ ಮಾಡುತ ಮಾತನಾಡಿದ ಜನವಿಡಂಬಕನು || ಆವ ಭೂಪರ ಸಾಮ್ಯ ಸಲ್ಲನು ಆವ ಸೊಬಗಂಗಳಲಿ ಪೇಳೆಲೆ ಕಾವೆ ಗೋಗಳ ಕೋಲ ಪಿಡಿಯುತ ನಲಿವೆ ಅಟವಿಯಲಿ | ಕಾವರಿಲ್ಲವೆ ಭಯದಿ ಕಡಲೋ ಳಾವರಣ್ಣವ ಕಟ್ಟಿ ಇಪ್ಪೆನು ಆವ ಗುಣಗಳು ಎನ್ನಲಿಲ್ಲವೆ ಕೇಳೆ ಮಂಗಳೆಯೆ || ಅರಸಿ ಬಡವರಿಗಧಿಕ ಪ್ರೀಯನು ಹರಕು ಭಿಕ್ಷುಕ ತುತಿಪನೆನ್ನನು ಮರಳುವಾದೆಯೆ ಯಾವ ಬಗೆಯಲಿ ಪೇಳೆ ರುಕ್ಮಿಣಿಯೆ| ತರುಣಿ ಬುದ್ಧಿಯು ಇಲ್ಲ ನಿನಗೆ ಮುರನ ವೈರ...

Papiembuva Kopavu Beda

ಪಾಪಿಯುಂಬುವ ಕೋಪವು ಬೇಡ ಗೋಪಿನಂದನ ಆಹಿಪತಿ ಶಾಯಿ | ತಾಪಾಗಳಿಂದಲಿ ಬಳಲುತಲಿರುವೆ ಕೋಪವ ಮಾಡಿರೆ ಎಲ್ಲಿಗೆಪೋಗಲಿ ತಾಪವ ಕಳೆಯೋ ಬಳಲುದ ಹರಿಸಿ ಕೋಪವ ನಿಲ್ಲಿಸು ಭವಭಯಹರನೆ ಕ್ಷಣಕ್ಷಣ ಕಾಲದ ಪಾಪವ ಮಾಲ್ಪೆನು ಗುಣಗಳನೆನಿಸದೆನ್ನವಗುಣವೇಕೊ ಗುಣಗಳಬಂಧನ ಬಂಧಕೆ ಸಿಲುಕಿಹೆ ಗುಣಗಳನಾರಿಸಿ ಬಿಡಿಸುವುದೆನ್ನ  ಅಧ್ವದ ಜ್ಞಾನವು ಏನಗೊಂದಿಲ್ಲ ಅಧ್ವದಿ ಕರವನು ಪಿಡಿಯುತಲೆನ್ನ ಮಧ್ವರ ನಾಥನೆ ಕಾಯುವುದೆನ್ನ ಮಧ್ವರ ಸಮಯದಿ ಶ್ರದ್ಧೆಯ ನೀಡಿ