Kusina kandira namma Guruvyasara kandira

ಕೂಸಿನ ಕಂಡೀರಾ ನಮ್ಮ ಗುರು ವ್ಯಾಸರ ಕಂಡೀರಾ |
ರಾಜರ ಕಂಡೀರಾ ಯತಿವ್ಯಾಸ ರಾಜರ ಕಂಡೀರಾ ||

ವ್ಯಾಸ ಮಧ್ವರ ನೆಚ್ಚಿನ ಕೂಸು
ವ್ಯಾಸರ ಶಾಸ್ತ್ರದಿ ಕುಶಲದ ಕೂಸು
ವ್ಯಾಸರ ಶಿಷ್ಯಾವೇಶದ ಕೂಸು
ಹಾಸ್ಯವ ಮಾಡಿದ ಮಾಯ್ಗಳ ಕೂಸು. ೧

ಮಂತ್ರದ ಕೋಟಿಯ ಜಪವನು ಗೈದರ
ಯಂತ್ರದ ಪಾಶದಿ ಹನುಮನ ಬಿಗಿದ
ತಂತ್ರದ ಯುಕುತಿಯ ಬಳಸುತ ನೀತಿಲಿ
ಕಂತ್ರಿಯ ಶಿರವನು ಪದದಲಿ ಮೆಟ್ಟಿದ. ೨

ಕೃಷ್ಣನ ಕುಹಕವ ತೆರೆದರ ಮನದಿ 
ಕೃಷ್ಣನ ಚರಣಾರಾಧಕ ಮುನಿಯ
ಕೃಷ್ಣಾವಲ್ಲಭ ಪ್ರೀತಿಯ ಬಲದಿ 
ಕೃಷ್ಣ ಪ್ರಿಯಕರ ಗ್ರಂಥವ ಬರೆದ ೩

ದಂಡರುದ್ದಂಡರ ಮೋಹವ ಕಳೆವ

ಚಂಡಪ್ರಚಂಡರ ಮತಿಯನು ಕೊಡುವ 
ಮಂಡನ  ಪುಂಡರಿ ಕಾಕ್ಷನ ಮಹಿಮೆಯ
ಹಿಂಡನು ಡಂಗುರ ಸಾರಿದ ಮುನಿಪ ೪ 

ಕಾಮಗಳೆಲ್ಲವ ಗೆದ್ದಿತು ಕೂಸು
ಕಾಮಿತವರಗಳ ಸೂಸುವ ಕೂಸು
ಶ್ರೀ ಮಧ್ವನಾಥನ ಮುದ್ದಿನ ಕೂಸು

ಸೀಮೆಯು ಇಲ್ಲದ ಗುಣಗಳ ಕೂಸು. ೫